അന്യതാബോധം
പടിയിറങ്ങിയ കലാലയത്തില്
മാര്ക് ലിസ്റ്റ് വാങ്ങിക്കാനെത്തുമ്പോള്,
അവിടുത്തെ അരമതിലിനോടും
വാകത്തണലിനോടും ഇടനാഴികളോടും
കോണിച്ചുവടുകളോടും തോന്നുന്നത്!
നഷ്ടബോധം
പ്രണയിച്ചവള് മറ്റൊരുത്തന്റെ
ബൈക്കിനു പിറകിലിരുന്നു
വിഷാദത്തോടെ തന്നെ നോക്കി
മറയുമ്പോള് തോന്നുന്നത്!
പാപബോധം
ആവര്ത്തിക്കപ്പെട്ട മുഷ്ടി-
മൈഥുനത്തിനൊടുവില് തോന്നുന്നത്!
കുറ്റബോധം
മോഷണശ്രമത്തില് താന്
കുത്തിമലര്ത്തിയവന്റെ കയ്യില്
ഒന്നുമില്ലെന്ന് കാണുമ്പോള് തോന്നുന്നത്!
Sunday, August 03, 2008
Subscribe to:
Post Comments (Atom)
16 comments:
നഷ്ടബോധം
പ്രണയിച്ചവള് മറ്റൊരുത്തന്റെ
ബൈക്കിനു പിറകിലിരുന്നു
വിഷാദത്തോടെ തന്നെ നോക്കി
മറയുമ്പോള് തോന്നുന്നത്!
ഇഷ്ടായീ... അനുഭവം ഗുരൂ എന്നുണ്ടോ??? :)
ങും, നാലാമത്തേതൊഴികെ ബാക്കിയെല്ലാം ഗുരുതന്നെ ;)
ഇത്രയും ബോധങ്ങളൊക്കെ ഉണ്ടായിട്ടും അഗ്രജനെന്താ ബോധമില്ലാത്തവനായിപ്പോയെ? :)
ഓഫ്: പദമുദ്രയിലെ സാന്നിധ്യമായതില് പിന്നെ കുറച്ച് നല്ല പദങ്ങളൊക്കെ കാണുന്നുണ്ട് പോസ്റ്റുകളില്.
അഗ്രജാ,....
മൂന്നാമത്തെ തിരുവചനത്തില് ആവര്ത്തനമെന്നത് പാപബോധം ഇല്ലാതാക്കുകയല്ലേ ചെയ്യുക?
കലങ്ങിയൊഴുകാന് തുടങ്ങുന്ന നദി ഒഴുകിയൊഴുകി തെളിയുകയല്ലേ ചെയ്യുക?
:നാലമത്തേത് ഒഴികെ എന്നു പറയുമ്പോളെന്താണൊരു ബിപി കലര്ന്ന പുഞ്ചിരി?..
മൂന്നാമത്തെ ബോധം ആവര്ത്തിച്ചനുഭവിച്ചില്ലെങ്കില് ഉണ്ടാകുന്ന പ്രവാസിയുടെ വിസ്ഫോടനാത്മകമായ പരിണാമം താങ്കള് എന്തെ മനസ്സിലാക്കിയില്ല മിസ്റ്റര് അഗ്രു..!???
മൂന്നാമത്തെ ബോധത്തിന്റെ പേരുമാറ്റണം..
ഇല്ലേലിവിടെ ചോരപ്പുഴയൊഴുകും..;)
ഹേ..ഹേ...ഇഷ്ടമായി ഈ വരികള്...
1 & 2 : ഒ.കെ.
3 : തുടക്കത്തിലാണെങ്കില് - സമ്മതിച്ചു. ഒടുവില്...... സര്വ്വാംഗാസനസുഖം?????
4 : ആദ്യത്തെ രണ്ടുവരിയില് - കുറ്റബോധം.
മൂന്നാമത്തെ വരിയില് - വീണ്ടും നഷ്ടബോധം.
ഇതെല്ലാം മനസ്സിലാവുന്നതും തിരുത്താന് ശ്രമിക്കുന്നതും അഞ്ചാമതൊരു ബോധമുണ്ടെങ്കിലാണ്..
സ്വബോധം!
അതെന്തേ ഉള്പ്പെടുത്തീല്ല?!
പാര്ത്ഥന്..
“സര്വ്വാംഗാസനസുഖം”ആണോ അതോ..
സര്വ്വാംഗനാ ആസനസുഖം എന്നാണോ?
:)
അരൂപിക്കുട്ടാ, Relax എന്ന വാക്കിന് എന്റെ ഡിക്ഷണറിയിലുള്ള അര്ത്ഥങ്ങള് (വിശ്രമം, വിനോദം) പോര എന്നു തോന്നി. അങ്ങിനെ ഒരു വാക്ക് ഉണ്ടാക്കിയതാന്.സര്വ്വാംഗാസനം എന്ന യോഗ അല്ല ഉദ്ദേശിച്ചത്.
നജൂസ്
ഷാരു
കാവലാന്
പ്രയാസി
ശിവ
പാര്ത്ഥന്
അരൂപിക്കുട്ടന്
വായിച്ചതിനും അഭിപ്രായം അറിയിച്ചതിനും നന്ദി...
മൂന്നാമത്തെ തിരുവചനം:
എങ്ങിനെ വായിക്കണമെന്ന വായനക്കാരന്റെ അവകാശം മാനിച്ചു കൊണ്ടു തന്നെ പറയട്ടെ...
പലരിലും തെറ്റുകളുടെ ആവര്ത്തനങ്ങള്ക്കൊടുവില്, ഇനിയുമൊരങ്കത്തിന് ബാല്യമില്ലെന്ന് വരുമ്പോഴായിരിക്കും പാപബോധവും പശ്ചാത്താപവും ജനിക്കുന്നത് എന്നു തോന്നിയിട്ടുണ്ട്... അതൊന്ന് സൂചിപ്പിച്ചു എന്നു മാത്രം!
അന്യതാബോധം
പടിയിറങ്ങിയ കലാലയത്തില്
മാര്ക് ലിസ്റ്റ് വാങ്ങിക്കാനെത്തുമ്പോള്,
മാര്ക്കുകള് കണ്ടുണ്ടാകുന്ന മഞ്ഞളിപ്പ്.
നഷ്ടബോധം
പ്രണയിച്ചപെണ്ണിനെ തട്ടികൊണ്ടുവന്ന്
എട്ട് കുട്ടിയുമായി നട്ടം തിരിയുമ്പോള്
കിട്ടാതെപോയ സ്ത്രീധനത്തെക്കുറിച്ചോര്ക്കുന്നത്.
പാപബോധം
മുഷ്ടിയിലൊതുക്കാമായിരുന്നത്
പീഢനം വരെ എത്തിനില്ക്കുമ്പോള് തോന്നുന്നത്!
കുറ്റബോധം
ഇതെല്ലാം എഴുതിക്കഴിഞ്ഞപ്പോള് തോന്നുന്നത്.
-സുല്
എല്ലാം ഇഷ്ടപ്പെട്ടു..കൂടുതല് ഇഷ്ടമായത്,"നഷ്ടബോധം"
പാപബോധം
ആവര്ത്തിക്കപ്പെട്ട മുഷ്ടി-
മൈഥുനത്തിനൊടുവില് തോന്നുന്നത്!
കര്ത്താവേ ഈ പ്രത്യേക സാഹചര്യത്തില്, പാപിയായ അഗ്രജനോട് പൊറുക്കേണമേ!
:)
എനിക്കൊരു പഴയ സംവാദത്തിന്റെ ഓര്മ്മ വന്നു അഗ്രൂ.
നാലും ബോധിച്ചു.എവിടെ സ്വബോധം:)
കിട്ടി ബോധിച്ചു. ഒപ്പ്.
Post a Comment